Çĕрпÿ муниципаллă округĕнче  5–6-мĕш классенче вĕренекенсен «Упрар тăван чĕлхемĕре» оратор ăсталăхĕн конкурсĕ пуса иртрĕ. Кăçал ăна Раççей Федерацийĕнчи халӑхӗсен пӗрлӗхӗн ҫулталӑкне тата Чӑваш Енри халӑхсен туслӑхӗн çулталӑкне халалланă.

Конкурс тӗллевӗсем:

- ҫамрăк ӑрӑва патриотсем пулса ӳстересси, хӑйсен ҫӗр-шывне, тӑван кĕтесне юратма, тăван халӑхăн культура эткерлӗхне хисеплеме вĕрентесси;

- вулама, кӗнекепе кӑсӑкланма, литература тӗнчипе хутшӑнма хăнăхтарасси;

- илемлĕ, туйăмлă каласа кăтартас, халӑх умӗнче калаҫас хӑнӑхусене йӗркелесси;

- вӗренекенсен ӑс-хакӑл, пултарулӑх тата эстетика аталанӑвӗ урлӑ чӑваш чӗлхине вӗренес кӑсӑклӑха упраса хӑварасси тата аталантарасси.

Конкурса Çĕрпÿ мунициапаллă округĕнчи пӗтӗмӗшле пӗлӳ паракан организацисен 5-мĕшпе 6-мӗш класӗсенче вӗренекенсем хутшӑнчĕҫ.

5-мĕш тата 6-мĕш классенче вĕренекенсем хăйсен ӳсĕмĕнчи икĕ ушкăна пайланса  çак темăсене ирĕккĕн суйласа илсе пултарулăхне кăтартма пултарчĕç:

- «Чăваш Енĕм – килĕшӳ çĕр-шывĕ» / «Чувашский край – земля дружбы и согласия»;

- «Ман шкулти халӑхсен туслӑхӗ» / «Дружба народов в моей школе»;

- «Тус тени ěмěрлěх пултăр» / «Пусть дружба длится на века»;

- «Раҫҫей халӑхӗсен мана килĕшекен уявӗ» / «Мой любимый праздник народов России». Пĕтĕмпе 15 ĕç пулнă.

Çак конкурса Кăнар вăтам шкулĕнче 6 класра вĕренекен Федоров Степан хутшăнчĕ.  Вăл «Чăваш Енĕм ─ килĕшÿ çĕр-шывĕ» темăпа калаçрĕ (вĕрентекенĕ Трофимова Р.Р.). Призёр ятне тивĕçлĕ пулчĕ.  Саламлатпăр ! Малалла та ăнăçусем сунатпăр!