Даниил Болотов  − районти сочиненисен конкурсӗн лауреачĕ

 Чӑваш ҫӗрӗ пултаруллӑ ҫынсемпе  пуян. Эпир хамӑр ентешсемпе — ӗҫченнисемпе, пултаруллисемпе, хастаррисемпе — мухтанатпӑр. Кирек ӑҫта пулса курсан та Чӑваш Ене чапа кӑларакан пирӗн республикӑра ҫуралса ӳснӗ ҫынсене пур ҫӗрте те тӗл пулма пулать.

Авӑнӑн 21-мӗшӗнче районта пӗтӗмӗшле пӗлӳ паракан организацисен 9-11-мӗш класӗсенче вӗренекенсем хушшинче «Чӑваш ҫӗр-шывӗн паллӑ ентешӗсен ҫулталӑкне халалланӑ» чӑвашла ҫырнӑ «Чăваш çĕрĕ пултаруллă çынсемпе пуян» сочиненисен конкурсӗ иртнӗ.

Болотов Даниил, 9 класра вӗренекенскер, пултарулӑх конкурсӗн лауреачĕ  пулса тӑнӑ (чӑваш чӗлхипе литературине вӗрентекенӗ Р.Р.Трофимова).

Даниил  хӑйӗн ӗҫӗнче Чăваш Республикин композиторĕсен ассоциаци членĕ, Чăваш Республикин Тава Тивĕçлĕ ĕçченĕ, Нестер Янкас премин лауреачĕ, юрăçă, юрă тата сăвă çыракан Алексеев Гурий Федорович çинчен çырса кăтартнă.

Пирӗншӗн хамӑр тӑрӑхри паллӑ ҫынсем тӗслӗх шутланаҫҫӗ.